Конституция — біздің мемлекетіміздің діңгегі, құқығымыздың негізі, кепіліміз әрі өз үніміз. Оған өзгеріс енгізу мәселесі туындағанда, бұл әрқайсымыздың тағдырымызға - бүгінгі өмірімізге де, ертең ұрпағымыздың қандай елде өмір сүретініне де тікелей әсер етеді.

Референдум — жауапкершілікті басқаға жүктемейтін сәт. Бұл – әр азаматтың жеке шешімі. Біздің «иә» немесе «жоқ» деген таңдауымыз —  бюллетеньдегі жай ғана белгі емес, бұл – біздің ұстанымымыз, құндылықтарымыз бен болашаққа деген көзқарасымыз.

Бейжай қалмау маңызды. Әрбір тармақты оқып, мәнін түсініп, саралап, саналы шешім қабылдау маңызды. Өйткені немқұрайдылық та — таңдау, бірақ ол ешқандай ықпалы жоқ таңдау.

Болашақ алыста емес, ол біздің бүгінгі шешімдеріміз арқылы қалыптасады.

Опубликовано 02.03.2026